top of page
小篤笑團
kids 🎤優秀成員介紹🎤 stand up comedy
豁豁
入團年資：5年
家長的話
最大嘅改變就一定係佢漸漸唔怕喺眾人面前講嘢，呢件事即使係大人都唔容易做到嘅！
一直學嘅原因，除咗Mary教得好之外，就係呢度有好多唔同嘅表演機會，而豁豁嘅自信心就係咁慢慢建立出嚟㗎喇！
梓柔(小一)
入團年資：2年
家長的話
小篤笑有好多演出機會，試過去長者中心、社區中心、教會、藝術中心，甚至係商場表演，令小朋友越嚟越有自信心，而且幽默感豐富咗好多😆
我最欣賞Mary會同佢哋進行一啲創意練習，有時又會傾吓成語、新聞、常識，令到佢哋有多啲唔同角度去思考同埋發揮創意。
Janis 嵐嵐(小一)
入團年資：2年
家長的話
生活上嵐嵐最大嘅改變，係睇事物嘅角度——開始習慣捉住每日生活開心事,記底有趣嘅畫面。例如，嵐嵐成日都會同我講「媽咪，我今日遇到一件好搞笑嘅嘢要同妳講！」🤣可以培養呢種生活態度，我諗係得小篤笑先可以做得到😃
詠睎(K3)
入團年資：1年
家長的話
詠睎出世無耐就經歷咗疫情，所以接觸陌生人機會比較少，搞到個人好怕醜，我同Daddy都好頭痛。試過幾個課程希望令佢大膽D，但效果都唔顯著。
經其他媽媽嘅介紹下，詠睎加入咗小篤笑。好深刻第一次上堂詠睎仲爆喊唔肯自己上，死都話要媽媽陪😂
過咗1-2個月詠睎已經越嚟越大膽，逐漸唔怕係陌生人面前打招呼。每次落堂番黎都會主動同我哋分享自己同其他小朋友嘅笑話，佢話玩得好開心。依家仲可以係台上面充滿自信咁對住唔認識嘅人表演、分享自己嘅創作、分享快樂。衷心感謝Mary老師💜
導師Mary的話
詠睎由最初怕怕醜醜，到而家已經可以獨立演出，對住近百個觀眾都唔怯場 👏
bottom of page